Y Pwyllgor Cyllid Finance Committee Bae Caerdydd / Cardiff Bay Caerdydd / Cardiff CF99 1NA
Carl Sargeant  Y Gweinidog Cyfoeth Naturiol Llywodraeth Cymru	xx Ionawr 2015

Annwyl Carl

Diolch am ddod i gyfarfod y Pwyllgor Cyllid mewn perthynas â goblygiadau ariannol y Bil Cynllunio (Cymru) ar 26 Tachwedd 2014 a diolch am eich gohebiaeth a oedd yn amlinellu rhai o'r anghysondebau yn y Memorandwm Esboniadol a'r Asesiad Effaith Rheoleiddiol.  Mae'r Pwyllgor yn nodi eich bod yn bwriadu gwneud y newidiadau hyn ar ddiwedd cyfnod dau.

O ystyried y wybodaeth yn y Bil, ni all y Pwyllgor ddod i unrhyw gasgliadau pendant na llunio unrhyw argymhellion ar gostau ac arbedion y ddeddfwriaeth hon. Credwn mai'r wybodaeth ariannol yn y Bil yw'r amcangyfrif bras gorau ar gyfer y costau o ystyried y wybodaeth sydd ar gael ar hyn o bryd. At hynny, er nad yw'r amcanestyniadau ar gyfer arbedion o reidrwydd mor gadarn â hynny, rydym yn croesawu bwriad y ddeddfwriaeth i gael gwared ag achosion o oedi o'r system a'r posibilrwydd o wneud arbedion sylweddol drwy'r ddeddfwriaeth.   

Nododd y Pwyllgor na chaiff y penderfyniad terfynol ynghylch llawer o'r costau ei wneud hyd nes bod yr is-ddeddfwriaeth wedi'i gwneud. I'r perwyl hwn, byddwn yn argymell i'r Pwyllgor Cyllid nesaf y dylai ailystyried goblygiadau ariannol y Bil hwn mewn tua phum mlynedd i weld a oedd y costau a'r arbedion yn realistig.

Rydym wedi ysgrifennu at y Pwyllgor Amgylchedd a Chynaliadwyedd yn amlinellu canfyddiadau'r Pwyllgor er mwyn llywio'r gwaith o graffu ar y Bil drwy'r Cynulliad.

Yn gywir

Jocelyn Davies AC

Cadeirydd y Pwyllgor